പെരുമ & ടി.എം.ജി കപ്പ് സീസണ്‍ -1 ജേതാക്കളായി ഓര്‍മ്മ ദുബായ്; കപ്പ് സമ്മാനിച്ച് ടി.എം.ജി ഗ്രൂപ്പ് എം.ഡി തമീം പുറക്കാട്
ഷാര്‍ജ: യു.എ.ഇയിലെ അറിയപ്പെടുന്ന സംഘടനയായ പെരുമ യു.എ.ഇ കമ്മിറ്റിയുടെ നേതൃത്വത്തില്‍ നടത്തിയ പ്രഥമ സെവെന്‍സ് ഫുട്‌ബോള്‍ ടൂര്‍ണമെന്റ് ആയ പെരുമ ആന്റ് ടി.എം.ജി കപ്പ് ഓര്‍മ്മ ദുബായ് ജേതാക്കളായി.
നവംബര്‍ 12ന് ദുബായ് ഖിസൈസ് ലെ അമിറ്റി ഫുട്‌ബോള്‍ ഗ്രൗണ്ടില്‍ വച്ച് നടന്ന വാശിയേറിയ മത്സരത്തില്‍ 18 ടീം അംഗങ്ങള്‍ പങ്കെടുത്തു. ഫിഫ റഫറി ആയ അഹമ്മദ് മുഹമ്മദ് വേള്‍ഡ് ഗമായില്‍ ഫുട്‌ബോള്‍ മേള ഉദ്ഘാടനം ചെയ്തു. ഗ്രീസ് ഫുട്‌ബോള്‍ ടീമിന്റെ ടെക്‌നിക്കല്‍ ഡയറക്ടര്‍ ആയ കോണ്‍സ്റ്റന്റ് റിനോസ് ടൗസാനിസ്, ബ്രസീല്‍ ഫുട്‌ബോള്‍ കോച്ച് ആയ മാര്‍സിലോ ട്രോയിസി, യു.എ.ഇയിലെ പ്രമുഖ സാമൂഹ്യപ്രവര്‍ത്തകനും ബിസിനസുകാരനുമായ തമീം പുറക്കാട്, ബിജു പണ്ടാരപറമ്പില്‍, നസീര്‍ കേളോത്ത് എന്നിവര്‍ സംബന്ധിച്ചു.
ജേതാകള്‍ക്കുള്ള കപ്പ് മെയിന്‍ സ്‌പോണ്‍സറും ടി.എം.ജി ഗ്രൂപ്പ് എം.ഡിയുമായ തമീം പുറക്കാട് കൈമാറി. റണ്ണറപ്പായ ടീമിനുള്ള കപ്പ് സമാന്‍ (ഉര്‍ബാന്‍ ഗ്രൂപ്പ് എംഡി) കൈമാറി. ചടങ്ങില്‍ പ്രസിഡന്റ് സാജിദ് പുറത്തൂട്ട്, ആക്ടിങ് സെക്രട്ടറി റമീസ് പയ്യോളി, ട്രഷറര്‍ മൊയ്ദീന്‍ പട്ടായി, സതീഷ് പള്ളിക്കര, നൗഷര്‍, ഷാമില്‍ മൊയ്ദീന്‍, കനകന്‍, വേണു, സുരേഷ് പള്ളിക്കര, റയീസ് പയ്യോളി, നജീബ്, ഷാജി ഇരിങ്ങല്‍, അഡ്വ മുഹമ്മദ് സാജിദ്, ഫൈസല്‍ മേലടി, ബഷീര്‍ നടമ്മല്‍ എന്നിവര്‍ സന്നിഹിതരായിരുന്നു. പ്രൌഡ ഗംഭീരമായ ഈയൊരു മേള പെരുമയുടെ പേരിനും പെരുമയ്ക്കും മാറ്റേകി.