വിവിധ ജില്ലകളില്‍ നിന്നും ആയിരത്തോളം ഉദ്യോഗാര്‍ത്ഥികളുടെ പങ്കാളിത്തം; മെഗാ തൊഴില്‍ മേളയ്ക്ക് എസ് എന്‍ ഡി പി കോളേജില്‍ സമാപനം
കൊയിലാണ്ടി: കൊയിലാണ്ടി എസ്.എന്‍.ഡി.പി കോളേജില്‍ വച്ച് സംഘടിപ്പിച്ച മെഗാ തൊഴില്‍മേള സമാപിച്ചു. ആയിരത്തില്‍പ്പരം തൊഴിലവസരങ്ങള്‍ ഉള്ള മേളയില്‍ എസ്.എസ്.എല്‍.സി മുതല്‍ ബിരുദധാരികള്‍ക്കു വരെ തൊഴില്‍ അവസരങ്ങള്‍ ഉണ്ടായിരുന്നു.
ഡി സോഫ്റ്റ് സൊല്യൂഷന്‍സ് എന്ന സ്ഥാപനവുമായി സഹകരിച്ച് സംഘടിപ്പിച്ച തൊഴില്‍ മേളയില്‍ വിവിധ ജില്ലകളില്‍നിന്നായി ആയിരത്തോളം ഉദ്യോഗാര്‍ഥികളാണ് പങ്കെടുത്തത്. ഇന്നലെ രാവിലെ ഒമ്പതുമണിക്ക് ആരംഭിച്ച ജോബ് ഫെയര്‍ വൈകുന്നേരം അഞ്ച് മണിയോടെ അവസാനിച്ചു
ചരിത്രത്തില്‍ ആദ്യമായി മുപ്പതോളം പ്രശസ്ത കമ്പനികള്‍ പങ്കെടുത്ത ഒരു തൊഴില്‍മേള എസ്.എന്‍.ഡി,പി കോളേജില്‍ നടക്കുന്നത്. എം.എല്‍.എ കാനത്തില്‍ ജമീല തൊഴില്‍ മേള ഉദ്ഘാടനം ചെയ്തു.
ചടങ്ങില്‍ പ്രിന്‍സിപ്പല്‍ ഡോ.സുജേഷ്.സി.പി, ചാന്ദ്‌നി.പി.എം,ഡോ വിനി കെ, അഭയ് കൃഷ്ണ, ഡി സോഫ്റ്റ് സൊല്യൂഷന്‍സില്‍ നിന്നും മനാഫ് പി. മജീദ്, ജിനീഷ് സോജന്‍, നീതു സജീവ് എന്നിവര്‍ സംസാരിച്ചു. ഡിസംബര്‍ 16 ശനിയാഴ്ച രാവിലെ ഒമ്പതുമണിക്ക് ആരംഭിച്ച ജോബ് ഫെയര്‍ വൈകുന്നേരം അഞ്ച് മണിയോടെ അവസാനിച്ചു.