ബാന്റ് വാദ്യത്തിന്റെ അകമ്പടിയോടെ പ്ലക്കാര്‍ഡുകളുമായി പാലിയേറ്റിവ് സന്ദേശ ജാഥ; പാലിയേറ്റീവ് ദിനാചരണം സംഘടിപ്പിച്ച് ആനക്കുളത്തെ സുരക്ഷ പെയിന്‍ ആന്റ് പാലിയേറ്റിവ്
കൊയിലാണ്ടി: സുരക്ഷ പെയില്‍ ആന്റ് പാലിയേറ്റിവ് കെയര്‍ ആനക്കുളം മേഖല കമ്മറ്റിയുടെ നേതൃത്വത്തില്‍ പാലിയേറ്റിവ് ദിനാചരണം സംഘടിപ്പിച്ചു. കൊയിലാണ്ടി എം.എല്‍.എ കാനത്തില്‍ ജമീല ഉദ്ഘാടനം ചെയ്തു. കെ.ടി.സിജേഷ് അധ്യക്ഷത വഹിച്ച പരിപാടിയില്‍ എ.പി.സുധീഷ് സ്വാഗതവും വി.ബാലകൃഷ്ണന്‍ നന്ദിയും പറഞ്ഞു.
നഗരസഭ വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍മാന്‍ നിജില, സുരക്ഷ കൊയിലാണ്ടി സോണല്‍ കണ്‍വീനര്‍ സി.പി.ആനന്ദന്‍, മേപ്പയില്‍ ബാലകൃഷ്ണന്‍ മാസ്റ്റര്‍ എന്നിവര്‍ സംസാരിച്ചു. ചടങ്ങില്‍ വെച്ച് കാനത്തില്‍ ജമീല എം.എല്‍.എ സുമനസ്സുകളില്‍ നിന്നും മെഡിക്കല്‍ ഉപകരണങ്ങള്‍ ഏറ്റുവാങ്ങി.
ബാന്റ് വാദ്യത്തിന്റെ അകമ്പടിയോടെ പ്ലെക്കാര്‍ഡുകളേന്തിയ നിരവധി പാലിയേറ്റിവ് വളണ്ടിയര്‍മാരുടെ നേതൃത്വത്തില്‍ പാലിയേറ്റിവ് സന്ദേശ ജാഥയോടെയാണ് പരിപാടികള്‍ ആരംഭിച്ചത്. ആനക്കുളത്ത് നിന്നും ആരംഭിച്ച പാലിയേറ്റിവ് സന്ദേശ ജാഥ സില്‍ക്ക് ബസാറില്‍ സമാപിച്ചു. ബിന്ദു സി.ടി, എന്‍.പി.വിശ്വനാഥന്‍, സജില്‍ കുമാര്‍, വി.രമേശന്‍ മാസ്റ്റര്‍, അജിത, നിഷ, രാധാകൃഷ്ണന്‍, ഗിരീഷ് ബാബു എന്നിവര്‍ നേതൃത്വം നല്‍കി.