കെയിലാണ്ടി: നിര്‍ദ്ദന രോഗികളെ സഹായിക്കാനെരുങ്ങി പുറക്കാട് മെഡിക്കല്‍ ബാങ്ക്. വിഭവ സമാഹരണ യജ്ഞത്തിലൂടെയാണ് സഹായിക്കാന്‍ ഒരുങ്ങുന്നത്.

ആഗസ്റ്റ് 28 മുതല്‍ സെപ്റ്റബര്‍ 11 വരെ നടക്കുന്ന യജ്ഞത്തിന്റെ ഉദ്ഘാടനം ഇന്ന് പുറക്കാട് പരപുരക്കല്‍ മുക്കില്‍ വെച്ച് ബ്ലോക്ക് പഞ്ചായത്ത് പ്രസിഡന്റ് സുരേഷ് ചങ്ങാടത്ത് നിര്‍വഹിച്ചു. മെഡിക്കല്‍ ബാങ്ക് ചെയര്‍മാന്‍ രാമചന്ദ്രന്‍ കുയ്യണ്ടി അധ്യക്ഷം വഹിച്ച ചടങ്ങില്‍ തിക്കോടി ഗ്രാമപഞ്ചായത്ത് പ്രസിഡന്റ് ജമീല സമദ് മുഖ്യാതിഥിയായി.

ബ്ലോക്ക് മെമ്പര്‍ രാജീവന്‍ കൊടലൂര്‍, ഗ്രാമപഞ്ചായത്ത് മെമ്പര്‍ ബിബിത ബൈജു തുടങ്ങിയവര്‍ ചടങ്ങില്‍ സംബന്ധിച്ചു. മെഡിക്കല്‍ ബാങ്ക് കണ്‍വീനര്‍ കെ.വി.പ്രേമചന്ദ്രന്‍ സ്വാഗതവും ബാങ്ക് ഡയറക്ടര്‍ സുധീഷ് ബാബു പുതുകുടി നന്ദിയും പ്രകാശിപ്പിച്ചു.

കബീര്‍ കുപ്പച്ചന്‍, കെ.കെ.ഗോപാലന്‍, ദീപ കാരാപള്ളി, ലക്ഷ്മി നവരാഗ്, ആയടത്തില്‍ നാരായണന്‍ ,ബിനീഷ് നമ്പ്രാണ്ടി, സി.പി.പ്രമോദ്, രമേശ് ബാബു.സി.പി, ബിന്ദു.കെ.കെ തുടങ്ങിയവര്‍ നേതൃത്വം നല്‍കിയ വിഭവ സംഹരണ യജ്ഞത്തിന് മികച്ച പ്രതികരണമാണ് ജനങ്ങളില്‍ നിന്ന് ലഭിച്ചത്.

summary: Medical Bank Purakkad with fund raising drive to help needy patients