കൊയിലാണ്ടി: ചെങ്കല്ലുമായി വരികയായിരുന്ന മിനി ലോറി തലകീഴായി മറിഞ്ഞു.മുചുകുന്ന് വടക്കുംമുറി അങ്കണവാടിക്ക് സമീപമാണ് സംഭവം. ‘ആയില്യം’ എന്ന ലോറിയാണ് ശനിയാഴ്ച വൈകീട്ട് ആറ് മണിയോടെ മറിഞ്ഞത്.

ചെങ്കല്ലുമായി വരുമ്പോള്‍ കയറ്റത്തില്‍ വച്ച് ഡ്രൈവര്‍ക്ക് ബ്രേക്കിന്മേലുള്ള നിയന്ത്രണം നഷ്ടമാവുകയായിരുന്നു. തുടര്‍ന്ന് ലോറി പുറകോട്ട് നീങ്ങുകയും മറിയുകയും ചെയ്തു. ലോറിയിലുണ്ടായിരുന്നവര്‍ നിസാര പരിക്കുകളോടെ രക്ഷപ്പെട്ടു.

തലകീഴായി മറിഞ്ഞ ലോറിയില്‍ നിന്ന് കല്ലുകള്‍ ചിതറിത്തെറിച്ചു. കല്ലുകള്‍ എടുത്ത് മാറ്റാനും ലോറി നിവര്‍ത്താനുമുള്ള ശ്രമം നാട്ടുകാരുടെ നേതൃത്വത്തില്‍ പുരോഗമിക്കുകയാണ്.