റോഡ് സുരക്ഷാ വാരാചരണം; ഡ്രൈവര്‍മാര്‍ക്കായി സൗജന്യ നേത്ര പരിശോധനാ ക്യാമ്പ് നടത്തി കൊയിലാണ്ടി സബ് റിജീയണല്‍ ട്രാന്‍സ്‌പോര്‍ട്ട് ഓഫീസ്
കൊയിലാണ്ടി: റോഡ് സുരക്ഷാ വാരാചരണത്തിന്റെ ഭാഗമായി കൊയിലാണ്ടി സബ് റീജിയണല്‍ ട്രാന്‍സ്‌പോര്‍്ട്ട് ഓഫീസിന്റെ ആഭിമുഖ്യത്തില്‍ ഡ്രൈവര്‍മാര്‍ക്കായി സൗജന്യ നേത്ര പരിശോധനാ ക്യാമ്പ് നടത്തി. വി. ട്രസ്റ്റ് കണ്ണാശുപത്രിയുടെ സഹകരണത്തോടെയാണ് ക്യാമ്പ്. ഫിറ്റ്‌നസ് ടെസ്റ്റിന് വന്ന ഡ്രൈവര്‍മാര്‍ക്കാണ് നേത്ര പരിശോധന നടത്തിയത്.
60ഓളം ഡ്രൈവര്‍മാരാണ് ഈ ക്യാമ്പിലൂടെ കണ്ണുകള്‍ പരിശോധിച്ചത്. കൊയിലാണ്ടി ജോയിന്റ് റിജീയണല്‍ ട്രാന്‍സ്‌പോര്‍ട് ഓഫീസര്‍ ഇ.എസ്. ബിജോയ് ചടങ്ങ് ഉദ്ഘാടനം ചെയ്തു. മോട്ടോര്‍ വെഹിക്കിള്‍ ഇന്‍സ്‌പെക്ടര്‍ മനുരാജ്.കെ അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്‌പെക്ടര്‍മാരായ സുധീര്‍.എം.പി, അനൂപ്.എസ്.പി, ഡോക്ടര്‍ അനൂപ്.കെ, വൈഷ്ണവ്.പി തുടങ്ങിയവര്‍ സംസാരിച്ചു.