ഉത്സവലഹരിയില്‍ കൊയിലാണ്ടി; പയറ്റുവളപ്പില്‍ ശ്രീദേവി ക്ഷേത്രമഹോത്സവം കൊടിയേറി
കൊയിലാണ്ടി: പയറ്റുവളപ്പില്‍ ശ്രീദേവി ക്ഷേത്രത്തിലെ ഈ വര്‍ഷത്തെ മഹോത്സവം കൊടിയേറി. ബ്രഹ്‌മശ്രീ പറവൂര്‍ രാജേഷ് തന്ത്രികളുടെയും ക്ഷേത്രം മേല്‍ശാന്തി ശ്രീ സുഖ ലാലന്‍ ശാന്തികളുടെ കാര്‍മികത്വത്തിലാണ് കൊടിയേറ്റ ചടങ്ങുകള്‍ നടന്നത്.
തുടര്‍ന്ന് എഴുന്നള്ളിപ്പിന് ശേഷം മാതൃസമിതി ഒരുക്കിയ മെഗാ തിരുവാതിര കളിയും പ്രാദേശിക കലാകാരന്മാരുടെ കലാപരിപാടികളും അരങ്ങേറി. ഉത്സവത്തിന്റെ ഭാഗമായി കലവറ നിറയ്ക്കല്‍ ചടങ്ങ് ജനുവരി 20ന് തുടങ്ങിയിരുന്നു.
കൊയിലാണ്ടിയിലെ വ്യാപാര പ്രമുഖനും എസ്.എന്‍.ഡി.പി യോഗം പ്രസിഡണ്ടുമായ രാജീവന്‍ സ്റ്റീല്‍ ഇന്ത്യയും എസ്.എന്‍.ഡി.പി യോഗം ജനറല്‍ സെക്രട്ടറി ദാസന്‍ പറമ്പത്തും ചേര്‍ന്ന് ഭദ്രദീപം കൊളുത്തിയാണ് കലവറ നിറയ്ക്കലിന് തുടക്കമിട്ടത്.