അത്തോളി: കൂമുള്ളിയില്‍ ജനവാസമേഖലയില്‍ രാത്രിയുടെ മറവില്‍ കക്കൂസ് മാലിന്യം തള്ളി. ഇന്നലെ രാത്രി ഒരുമണിയോടെയാണ് സംഭവം. എരഞ്ഞോളി താഴെ റോഡ് മൊടക്കല്ലൂര്‍ എ.യു.പി സ്‌കൂളിന് സമീപം വയലിലാണ് കക്കൂസ് മാലിന്യം തള്ളിയത്.

കോഴിക്കോട് ഭാഗത്തുനിന്നും എത്തിയ ടാങ്കര്‍ലോറിയിലാണ് കക്കൂസ് മാലിന്യം കൊണ്ടുവന്നതെന്ന് പ്രദേശത്തെ സി.സി.ടി.വി ദൃശ്യങ്ങളില്‍ വ്യക്തമായിട്ടുണ്ട്. ടാങ്കര്‍ ലോറിയുടെ നമ്പര്‍ മൂടിവെച്ചാണ് കൃത്യം നടത്തിയത്.

പ്രദേശവാസികള്‍ അത്തോളി പൊലീസിലും പഞ്ചായത്ത് അധികൃതര്‍ക്കും പരാതി നല്‍കിയിട്ടുണ്ട്. പൊതുസ്ഥലത്ത് മാലിന്യം തള്ളിയവരെ കണ്ടെത്താനുള്ള ശ്രമത്തിലാണ് നാട്ടുകാര്‍.