കൊയിലാണ്ടി: നഗരസഭയുടെ വാർഷിക പദ്ധതിയിൽ ഉൾപ്പെടുത്തി വയോജനങ്ങളുടെ മാനസിക ഉല്ലാസത്തിനായി ‘കാരണവർക്കൂട്ടം’ വയോജന സംഗമം സംഘടിപ്പിച്ചു. നഗരസഭ ചെയര്‍പേഴ്‌സണ്‍ സുധ കിഴക്കെപ്പാട്ട് സംഗമം ഉദ്ഘാടനം ചെയ്തു.

കൊടക്കാട്ടും മുറി അകലാപ്പുഴയുടെ തീരത്ത് നെല്ല്യാടി ടൂറിസം സെൻ്ററിൽ നടന്ന സംഗമത്തിൽ പ്രമുഖ നടനും സാംസ്കാരിക പ്രവർത്തകനുമായ മുഹമ്മദ് പേരാമ്പ്ര മുഖ്യാതിഥിയായി. നഗരസഭ വൈസ് ചെയർമാൻ കെ.സത്യൻ അധ്യക്ഷത വഹിച്ചു. .

ചടങ്ങിൽ നഗരസഭ സ്ഥിരം സമിതി അധ്യക്ഷമ്മാരായ കെ.ഷിജു, കെ.എ ഇന്ദിര, ഇ.കെ അജിത്, നിജില പറവക്കൊടി, കൗൺസിലർമാരായ വി.രമേശൻ, മനോജ് പയറ്റുവളപ്പിൽ, വത്സരാജ് കേളോത്ത്, കെ.ടി റഹ്മത്ത്, കോഡിനേറ്റർ ശശി കോട്ടിൽ, ഐ.സി.ഡി.എസ് സൂപ്പർവൈസർ സി.സബിത എന്നിവർ സംസാരിച്ചു.