രക്തം ദാനം ചെയ്തത് 43 പേര്‍; രക്തദാന ക്യാമ്പ് സംഘടിപ്പിച്ച് ഇലാഹിയ ആര്‍ട്‌സ് ആന്റ് സയന്‍സ് കോളേജ്
കൊയിലാണ്ടി: ഇലാഹിയ ആര്‍ട്‌സ് ആന്‍ഡ് സയന്‍സ് കോളേജ് ചേലിയ എന്‍.എസ്.എസ് യൂണിറ്റും കോഴിക്കോട് ബി.ഡി.കെ കമ്മിറ്റിയും ചേര്‍ന്ന് എം.വി.ആര്‍ ക്യാന്‍സര്‍ സെന്ററിന്റെ സഹകരണത്തോടു കൂടെ രക്തദാന ക്യാമ്പ് സംഘടിപ്പിച്ചു. കോളേജില്‍ വെച്ച് നടന്ന ക്യാമ്പില്‍ കുട്ടികളും അധ്യാപകരും നാട്ടുകാരും ഉള്‍പ്പെടെ 91 ആളുകള്‍ രജിസ്റ്റര്‍ ചെയ്യുകയും 43 പേര്‍ രക്തദാനം നടത്തുകയും ചെയ്തു.
ക്യാമ്പിന്റെ ഉദ്ഘാടനം കോളേജ് പ്രിന്‍സിപ്പല്‍ ഡോക്ടര്‍ മുഹമ്മദ് ബഷീര്‍ നിര്‍വഹിച്ചു. എന്‍.എസ്.എസ് പ്രോഗ്രാം ഓഫീസര്‍ അഫീഫ.കെ.എം.ചടങ്ങിന് അധ്യക്ഷത വഹിച്ചു. ബി.ഡി.കെ കോഴിക്കോട് എക്‌സിക്യൂട്ടീവ് മെമ്പര്‍ അഥിത്. വി.പി, ഇലാഹിയ കോളേജ് എന്‍.എസ്.എസ് സെക്രട്ടറി സനീഹ എന്നിവര്‍ സംസാരിച്ചു.