ചേമഞ്ചേരി: ചേമഞ്ചേരിയിലെ മൂന്നാം വാര്‍ഡിലുള്‍പ്പെട്ട കാഞ്ഞിലശ്ശേരി പ്രദേശത്ത് കൊയ്ത്തുത്സവം നടന്നു.
മഹാശിവക്ഷേത്രത്തിന് മുൻവശത്തുള്ള രണ്ടരയേക്കര്‍ വയലിൽ കുടുംബശ്രീയുടെ നേതൃത്വത്തിലാണ് നെല്‍കൃഷി ഇറക്കിയത്. ഒഡീഷാ വിത്തിനമാണ് കൃഷി ചെയ്തത്.

നെല്ലുകൊയ്തുകൊണ്ട് പഞ്ചായത്ത് പ്രസിഡണ്ട് സതി കിഴക്കയില്‍ കൊയ്ത്തുത്സവം ഉദ്ഘാടനം ചെയ്തു. കൊയ്തെടുത്ത നെല്ല് അരിയാക്കിയശേഷം വിപണിയിലേക്കത്തിക്കാനാണ് ലക്ഷ്യമിടുന്നതെന്ന് ചേമഞ്ചേരി ഗ്രാമപഞ്ചായത്ത് വൈസ് പ്രസിഡന്റ് അജ്നാഫ് കാച്ചിയില്‍ കൊയിലാണ്ടി ന്യൂസ് ഡോട്ട്കോമിനോട് പറഞ്ഞു.

ഗ്രാമപഞ്ചാത്ത് വികസന സ്റ്റാൻഡിങ്ങ് കമ്മറ്റി ചെയർപേഴ്സൺ എം.ഷീല, പന്തലായനി ബ്ലോക്ക് പഞ്ചായത്തംഗം ബിന്ദു സോമൻ, വാർഡ്‌ മെമ്പർ സജിതഷെറി, മുൻ മെമ്പർമാരായ വി.എം.ജാനകി, ഇ.അനിൽകുമാർ, കൃഷി ഓഫീസർ വിദ്യാബാബു, വി.കെ.അശോകൻ, പത്മിനി, ശാന്ത, കാർത്ത്യായനി എന്നിവർ കൊയ്ത്തുല്‍സവത്തില്‍ പങ്കെടുത്തു.