ഗിരീഷ് പുത്തഞ്ചേരി അനുസ്മരണം ഫെബ്രുവരി 4,9,10 തിയ്യതികളില്‍; കലാവിരുന്നൊരുക്കി ചെന്താര പുത്തഞ്ചേരി
ഉളളിയേരി: ചെന്താര പുത്തഞ്ചേരി വിവിധ പരിപാടികളോടെ ഗിരീഷ് പുത്തഞ്ചേരി അനുസ്മരണം നടത്തും. ഫെബ്രുവരി 4.9.10 തിയ്യതികളിലായി വിവിധ കലാപരിപാടികളോടെയാണ് അനുസമരണം സംഘടിപ്പിക്കുന്നത്.
കലാ രംഗത്ത് മികവ് തെളിയിച്ച കൊച്ചു പാട്ടുകാരും സിനിമാ പ്രവര്‍ത്തകരും അനുസ്മരണത്തില്‍ പങ്കാളികളാകും. ഫെബ്രുവരി നാലാം തിയ്യതി ജില്ലാതല കവിതാ മത്സരം ജൂനിയര്‍, സീനിയര്‍ വിഭാഗത്തില്‍ പുത്തഞ്ചേരി ജി.എല്‍.പി സ്‌കൂളില്‍ വച്ച് നടത്തും.
9ന് സൗജന്യ യൂനാനി മെഡിക്കല്‍ ക്യാമ്പ് സംഘടിപ്പിക്കും. ഒലീവ് യൂനാനി സെന്റര്‍ കോരങ്ങാട് താമരശ്ശേരി) എന്നിവിടങ്ങളില്‍ വച്ചായിരിക്കും മെഡിക്കല്‍ ക്യാമ്പ് നടത്തുക.
10 ന് രാവിലെ ജില്ലാതല കരോക്കെ ഗാനാലാപന മത്സരവും വൈകീട്ട് 6മണിക്ക് ഗിരീഷ് പുത്തഞ്ചേറി അനുസ്മരണവും നടക്കും. അനുസ്മരണ ഉദ്ഘാടനം കെ.എം സച്ചിന്‍ ദേവ് എം.എല്‍.എ നിര്‍വ്വഹിക്കും. ഉളളിയേരി ഗ്രാമപഞ്ചായത്ത് പ്രസിഡണ്ട് സി.അജിത പരിപാടിയില്‍ അധ്യക്ഷത വഹിക്കും. സുരേന്ദ്രന്‍ പുത്തഞ്ചേരി സ്വാഗതംപറയും.
വൈകീട്ട് അരിസ്റ്റോ സുരേഷ് (സിനി ആര്‍ ടിസ്റ്റ് ),നിധി (സിനി ആര്‍ടിസ്റ്റ്), മാസ്റ്റര്‍ ആര്യന്‍ (ഏഷ്യാനെറ്റ് സ്റ്റാര്‍ സിംഗര്‍ )
ശ്രീ ദര്‍ശ് (ഫ്‌ലവേഴ്‌സ് ചാനല്‍ ) എന്നിവര്‍ ഒരുക്കുന്ന കലാപരിപാടിയും രാഷ്ട്രിയ സാമുഹ്യ രംഗത്തെ മറ്റ് പ്രമുഖരും പരിപാടിയില്‍ പങ്കെടുക്കും. കണ്‍വീനര്‍ അനുരാജ് ടി.പി നന്ദി രോഖപ്പെടുത്തും. രാത്രി 10 മണിയോടെ പ്രാദേശിക കലാകാരന്മാരുടെ കലാവിരുന്നും അരങ്ങേറും.