സൗഹൃദ ക്രിക്കറ്റ് മത്സരം; പയ്യോളി ബാര്‍ അസോസിയേഷന്‍ ജേതാക്കള്‍
പയ്യോളി: ക്രിക്കറ്റ് ലോകകപ്പിന്റെ ഭാഗമായി സ്‌പോര്‍ട്‌സ്മാന്‍ഷിപ്പ് (Q B A) സംഘടിപ്പിച്ച ക്രിക്കറ്റ് സൗഹൃദ മത്സരത്തില്‍ പയ്യോളി ബാര്‍ അസോസിയേഷന്‍ വിജയിച്ചു.
കൊയിലാണ്ടി ബാര്‍ അസോസിയേഷനും പയ്യോളി ബാര്‍ അസോസിയേഷനും തമ്മിലായിരുന്നു പോരാട്ടം. കളിയിലെ താരമായി പയ്യോളി ബാര്‍ അസോസിയേഷന്‍ പ്ലയര്‍ അഡ്വക്കറ്റ് അര്‍ഷാദ് തിരഞ്ഞെടുക്കപ്പെട്ടു.
കൊയിലാണ്ടി ബാര്‍ അസോസിയേഷന്‍ പ്ലയെര്‍ അഡ്വക്കറ്റ് സാബിത്ത് മികച്ച ബാറ്റിസ്മാന്‍ ആയും, പയ്യോളി ബാര്‍ അസോസിയേഷന്‍ പ്ലയര്‍ ബിലാല്‍ മികച്ച ബൗളര്‍ ആയും തിരഞ്ഞെടുക്കപ്പെട്ടു.
കൊയിലാണ്ടി സബ് ജഡ്ജ് വിശാഖ്. വി. എസ് മത്സരം ഉദ്്ഘാടനം ചെയ്തു. കൊയിലാണ്ടി ബാര്‍ അസോസിയേഷന്‍ പ്രസിഡന്റ് അഡ്വക്കറ്റ് സി. എസ് ജെതീഷ് ബാബു വിജയികള്‍ക്കുള്ള ട്രോഫികള്‍ സമ്മാനിച്ചു. പയ്യോളി ടീം ക്യാപ്റ്റന്‍ അഡ്വക്കറ്റ് പി.പി ഹാഷിക്ക് ട്രേഫി ഏറ്റുവാങ്ങി.
അഡ്വക്കറ്റ് പി. ജെതിന്‍ സ്വാഗതം പറഞ്ഞ സമ്മാനദാന ചടങ്ങില്‍ അഡ്വക്കറ്റ് പി.ടി ഉമേന്ദ്രന്‍ അധ്യക്ഷത വഹിച്ചു. അഡ്വ: കെ. അശോകന്‍, അഡ്വ: വി.സത്യന്‍, അഡ്വ: എ. വിനോദ്കുമാര്‍ എന്നിവര്‍ ചടങ്ങില്‍ പങ്കെടുത്തു.[mid5]