യൂണിറ്റ് ഭാരവാഹി തിരഞ്ഞെടുപ്പും, ശുചീകരണ തൊഴിലാളികളെ ആദരിക്കലും; എംപ്ലോയീസ് യൂണിയന്‍ കൊയിലാണ്ടി യൂണിറ്റ് സമ്മേളനം സംഘടിപ്പിച്ചു
കൊയിലാണ്ടി: കോഴിക്കോട് മുന്‍സിപ്പല്‍ കോര്‍പ്പറേഷന്‍ എംപ്ലോയീസ് യൂണിയന്‍ കൊയിലാണ്ടി യൂണിറ്റ് സമ്മേളനം സംഘടിപ്പിച്ചു. സമ്മേളനത്തില്‍ ശുചികരണ തൊഴിലാളിയും നാടന്‍ പാട്ടു കലാകാരനുമായ അജീഷ് മുചുകുന്ന്, മുതിര്‍ന്ന ശുചികരണ തൊഴിലാളിയായ എന്‍.കെ മോഹനന്‍ എന്നിവരെ ആദരിച്ചു.
KMCEU CITU യൂനിറ്റ് സമ്മേളനം ജില്ലാ പ്രസിഡണ്ട് കെ ദാസന്‍ ഉദ്ഘാടനം ചെയ്തു. സെക്രട്ടറി പങ്കജാക്ഷന്‍ റിപ്പോര്‍ട്ട് അവതരിപ്പിച്ചു. യൂനിറ്റ് ട്രഷറര്‍ വിനോദന്‍ വി.കെ വരവ് ചെലവ് കണക്ക് അവതരിപ്പിച്ചു. രക്തസാക്ഷി പ്രമേയം ഷാലറ്റ് യേശുദാസും, അനുശോചന പ്രമേയം വി.കെ സുരേന്ദ്രനും അവതരിപ്പിച്ചു.
യുണിറ്റ് പ്രസിഡണ്ട് ആയി ജിഷാന്ത്.ആര്‍ നെയും സെക്രട്ടറിയായി പങ്കജാക്ഷന്‍ എന്‍.കെ യെയും തിരഞ്ഞെടുത്തു. ജിഷാന്ത് ആര്‍ അധ്യക്ഷം വഹിച്ച യോഗത്തില്‍ സംസ്ഥാന കമ്മിറ്റി അംഗം പ്രദീപന്‍ മണിയൂര്‍, ജില്ലാ കമ്മിറ്റി അംഗങ്ങളായ സുരേന്ദ്രന്‍ കുന്നോത്ത്, രവി എന്‍.കെ എന്നിവര്‍ സംസാരിച്ചു. അശ്വനി ദേവ് ഇ, ശ്രീനി പള്ളിക്കുന്ന് എന്നിവര്‍ അഭിവാദ്യം ചെയ്തു.