സി.പി.എം ജില്ലാ കമ്മിറ്റിയംഗമായിരുന്ന ചെലോട്ട് രാമന്‍ മാസ്റ്റര്‍ അന്തരിച്ചു
കൊയിലാണ്ടി: സി.പി.എം ജില്ലാ കമ്മിറ്റിയംഗവും സി.ഐ.ടി.യു ജില്ലാ കമ്മിറ്റിയംഗവുമായിരുന്ന പന്തലായനി അമൃത സ്‌കൂളിന് സമീപം ചെലോട്ട് രാമന്‍ മാസ്റ്റര്‍ അന്തരിച്ചു. തൊണ്ണൂറ് വയസായിരുന്നു.
സഖാവ് സി.ആര്‍ എന്നറിയപ്പെട്ടുരുന്ന സജീവ സി.പി.എം പ്രവര്‍ത്തകനായിരുന്നു. സി.ഐ.ടി.യു ജില്ലാ കമ്മിറ്റിയംഗമായി പ്രവര്‍ത്തിച്ചിരുന്ന അദ്ദേഹം നിരവധി തൊഴിലാളി പ്രശ്‌നങ്ങള്‍ ഇടപെടുകയും പരിഹരിക്കുകയും ചെയ്തു. മത്സ്യത്തൊഴിലാളികള്‍ക്കുവേണ്ടിയുള്ള പോരാട്ടങ്ങള്‍, കൊയിലാണ്ടിയില്‍ ഹോട്ടല്‍ തൊഴിലാളികളെ പിരിച്ചുവിട്ടതുമായി ബന്ധപ്പെട്ട് നടന്ന സമരം എന്നിവയില്‍ നേതൃനിരയിലുണ്ടായിരുന്നു.
പന്തലായനി യു.പി സ്‌കൂളില്‍ നിന്നും അധ്യാപകനായി വിരമിച്ചതാണ്. പഴയകാല അധ്യാപക സംഘടനയായ കെ.പി.ടി.യു നേതാവായിരുന്നു.
ഭാര്യ: ലക്ഷ്മിക്കുട്ടി. മക്കള്‍: ചന്ദ്രനാഥ്, പുഷ്പ, ഗീത, പരേതനായ സുരേന്ദ്രന്‍. മൃതദേഹം നാളെ രാവിലെ വീട്ടുവളപ്പില്‍ സംസ്‌കരിക്കും.