റെഡ് വളണ്ടിയര്‍മാര്‍ച്ചും ബാന്‍ഡ് വാദ്യങ്ങളും അകമ്പടിയായി; സി.പി.ഐ.എം കൊയിലാണ്ടി ഏരിയ സമ്മേളനത്തിന് സമാപനം
കൊയിലാണ്ടി: സി.പി.ഐ.എം കൊയിലാണ്ടി ഏരിയ സമ്മേളനത്തിന് പ്രൗഢ ഗംഭീരമായ സമാപനം. പൂക്കാട് നിന്ന് കാഞ്ഞിലശ്ശേരി വരെ നീണ്ട റെഡ് വളണ്ടിയര്‍മാര്‍ച്ചും വന്‍ജനപങ്കാളിത്തത്തോടെയുള്ള ബഹുജന റാലിയുമാണ് സമാപന സമ്മേളന പരിപാടികള്‍ക്ക് തുടക്കം കുറിച്ചത്. ബാന്‍ഡ് വാദ്യങ്ങളുടെ അകമ്പടിയോടെയുള്ള റാലിയ്ക്ക് റെഡ് വളണ്ടിയര്‍മാരും സമ്മേളന പ്രതിനിധികളും നേതൃത്വം നല്‍കി. പ്രകടനം കാഞ്ഞിലശ്ശേരി നായനാര്‍ സ്റ്റേഡിയത്തിലെ പൊതുസമ്മേളന വേദയില്‍ അവസാനിച്ചു.
പൊതുസമ്മേളനം സി.പി.ഐ.എം ജില്ലാ സെക്രട്ടറി പി.മോഹനന്‍ ഉദ്ഘാടനം ചെയ്തു. ഏരിയാ സെക്രട്ടറി ടി.കെ.ചന്ദ്രന്‍ അധ്യക്ഷനായി. ജില്ലാ സെക്രട്ടറിയേറ്റംഗങ്ങളായ കെ.കെ.ദിനേശന്‍, കെ.കെ.മുഹമ്മദ്, ജില്ലാ കമ്മിറ്റി അംഗങ്ങളായ പി.വി.വിശ്വന്‍, കെ.ദാസന്‍, കാനത്തില്‍ ജമീല എന്നിവര്‍ സംസാരിച്ചു.
സ്വാഗത സംഘം ജനറല്‍ കണ്‍വീനര്‍ കെ.രവീന്ദ്രന്‍ സ്വാഗതം പറഞ്ഞു. പൊതുസമ്മേളനത്തിന് സമാപനം കുറിച്ച് പ്രഫസര്‍ കെ.എ.രാജ്‌മോഹന്റെ നേതൃത്വത്തില്‍ മധുരഗീതങ്ങള്‍ അരങ്ങേറി.
Summary: CPIM Koyilandy Area Conference pothusammelanam