ചേമഞ്ചേരി: ദേശീയപാതയില്‍ ചേമഞ്ചേരി റെയില്‍വേ സ്റ്റേഷന് മുമ്പില്‍ കാറുകള്‍ തമ്മില്‍ കൂട്ടിയിടിച്ച് അപകടം. അപകടത്തില്‍ പരിക്കേറ്റവരെ കൊയിലാണ്ടി താലൂക്ക് ആശുപത്രിയിലെത്തിച്ചു. ആരുടെയും പരിക്ക് ഗുരുതരമല്ലെന്നാണ് വിവരം.

കെ.എല്‍ 55 Y 9410 എന്ന നമ്പറിലുള്ള വെളുത്ത എത്തിയോസ് കാറും കെ.എല്‍ 18 Q 8051 നീല ബലനോയുമാണ് കൂട്ടിയിടിച്ചത്. ഇന്ന് രാവിലെ 9.30ഓടെയായിരുന്നു അപകടം.

അപകടത്തെ തുടര്‍ന്ന് ദേശീയപാതയില്‍ ഏറെനേരം ഗതാഗതം തടസപ്പെട്ടു. കൊയിലാണ്ടി ട്രാഫിക് പൊലീസ് സ്ഥലത്തെത്തിയാണ് ഗതാഗതക്കുരുക്ക് ഒഴിവാക്കിയത്.