താമരശ്ശേരി: ബൈക്ക് നിയന്ത്രണം വിട്ട് യുവാക്കള്‍ക്ക് പരിക്ക്. മുക്കം – താമരശ്ശേരി സംസ്ഥാനപാതയില്‍ താമരശ്ശേരി വെഴുപ്പൂര്‍ പഴശ്ശിരാജ സ്‌കൂളിന് സമീപമാണ് ഇന്നലെ ഉച്ചയോടെയായിരുന്നു സംഭവം.

കൂടരഞ്ഞി പൂവാറന്‍ തോട് സ്വദേശികളായ സനോജ്, സഹോദരന്‍ വിനോജ്, എന്നിവര്‍ക്കാണ് പരിക്കേറ്റത് . മറ്റൊരു വാഹനത്തെ മറികടക്കുന്നതിനിടയില്‍ നിയന്ത്രണം വിട്ടു മറിയുകയായിരുന്നു.

ഇവരെ താമരശ്ശേരി താലൂക്ക് ആശുപത്രിയില്‍ എത്തിച്ച് പ്രാഥമിക ചികിത്സ നല്‍കിയ ശേഷം കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി.