ന്യൂ മാഹിയില്‍ ബൈക്കും ലോറിയും കൂട്ടിയിടിച്ച് അപകടം; കൊയിലാണ്ടി സ്വദേശിയായ വിദ്യാര്‍ത്ഥി ഉള്‍പ്പടെ രണ്ടു പേര്‍ മരിച്ചു
കൊയിലാണ്ടി: മാഹി പുന്നോലില്‍ വച്ച് ബൈക്ക് ലോറിയിലിടിച്ച് കൊയിലാണ്ടി സ്വദേശി മരിച്ചു.പുത്തന്‍ കടപ്പുറം, ചെറിയ പുരയില്‍ യദുലാല്‍ 17 ആണ് മരിച്ചത്. ഇന്നലെ വൈകുന്നേരം ന്യൂമാഹി പോലീസ് സ്റ്റേഷന്‍ പരിധിയില്‍ മാക്കൂട്ടം-പാറാല്‍ റോഡില്‍ ആച്ചുകുളങ്ങര പഴയ പോസ്റ്റോഫീസിന് സമീപത്താണ് അപകടം നടന്നത്.
അപകടത്തില്‍ തലശ്ശേരി സ്വദേശി നിധീഷ് തല്‍ക്ഷണം മരണപ്പെട്ടിരുന്നു. പരിക്കേറ്റ യദുവിനെ ഇന്നലെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ഇന്ന് പുലര്‍ച്ചെ മരണമടയുകയായിരുന്നു. കൊയിലാണ്ടി ജി.വി.എച്ച്.എസ്.എസ്. പ്ലസ്ല്‌വണ്‍ വിദ്യാര്‍ത്ഥിയായിരുന്നു യദു. സ്‌കൂള്‍ ഫുട്‌ബോള്‍ ടീമില്‍ അംഗമായിരുന്നു. ഇത്തവണത്തെ സുബ്രതോ കപ്പ് കൊയിലാണ്ടി ജി.വി.എച്ച്.എസ്. ആയിരുന്നു ജേതാക്കള്‍.
ആദരസൂചകമായി ജി.വി.എച്ച്.എസ്.എസ്.സ്‌കൂള്‍ ഇന്ന് അവധി നല്‍കിയിട്ടുണ്ട്. പുത്തന്‍ കടപ്പുറം, ചെറിയ പുരയില്‍ ലാലു-ധന്യ ദമ്പതികളുടെ മകനാണ്. സഹോദരി ദിയ.
ന്യൂ മാഹിയില്‍ ബൈക്കും ലോറിയും കൂട്ടിയിടിച്ച് അപകടം; കൊയിലാണ്ടി സ്വദേശിയായ വിദ്യാര്‍ത്ഥി ഉള്‍പ്പടെ രണ്ടു പേര്‍ മരിച്ചു