കക്കട്ട്: ഊഞ്ഞാലിൽ കളിച്ച് കൊണ്ടിരിക്കെ വീണു പരിക്കേറ്റ് ചികിത്സയിലായിരുന്ന ഒന്നരവയസ്സുകാരി മരിച്ചു. കക്കട്ട് മധുകുന്ന് എ.ആർ രജീഷിൻ്റെ മകൾ നൈറാ രാജ് ആണ് മരിച്ചത്. കോഴിക്കോട് സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു മരണം.

ഒന്നരമാസം മുമ്പാണ് കുടുംബത്തെയാകെ ദു:ഖത്തിലാഴ്ത്തിയ ദാരുണമായ സംഭവം നടക്കുന്നത്. ഊഞ്ഞാലിൽ കളിക്കവെ താഴെ വീണാണ് നൈറാ രാജിന് ​ഗുരുതരമായി പരിക്കേൽക്കുന്നത്. ഉടനെ അടുത്തുള്ള ആശുപത്രിയിലും വിദ​ഗ്ദ ചികിത്സയ്ക്കായി കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിക്കുകയായിരുന്നു. എന്നാൽ ഇന്ന് ഉച്ചയോടെ മരണം സംഭവിച്ചു.

കക്കട്ടിലെ എ.ആർ ജ്വല്ലറി ഉടമ മന്നിക്കണ്ടിയിൽ രാജൻ്റെ മകൻ്റെ മകളാണ് നൈറാ രാജ്. ജീബിഷയാണ് അമ്മ . ഹെമിരാജ് സഹോദരി.