---

കൊയിലാണ്ടി: ലോക പഞ്ചഗുസ്തി മത്സരത്തില്‍ നാലാം സ്ഥാനം കരസ്ഥമാക്കി കൊയിലാണ്ടിക്കാരന്‍ വിമല്‍
ഗോപിനാഥ്. മലേഷ്യയിലെ കോലാലംപൂരില്‍ നടന്ന 86 കിലോഗ്രാം മത്സരത്തിലാണ് ഇന്ത്യയ്ക്കു വേണ്ടി വിമല്‍
നാലാം സ്ഥാനം കരസ്ഥമാക്കിയത്. ബംഗൂളുരുവില്‍ എഞ്ചീനീയറായ വിമല്‍ കൊയിലാണ്ടിയിലെ ഡോ; ഗോപിനാഥിന്റെയും പത്മജയുടെയും മകനാണ്.

38 രാജ്യങ്ങള്‍ പങ്കെടുത്ത മത്സരത്തില്‍ സ്വീഡന്റെ കെന്റ് ആന്‍ഡേര്‍സണ്‍, കാനഡയുടെ കെഞ്ചിയോഷിയോക്ക, ഗ്രീസിന്റെ ദിമിത്രിയോസ് ഫില്ലികിഡില്‍ എന്നിവരുമായി ഏറ്റുമുട്ടിയാണ് നാലാം സ്ഥാനം സ്വന്തമാക്കിയത്.

ഇന്റര്‍നാഷണല്‍ ആം റസലിംങ്ങ് ഫെഡറേഷനും ബോര്‍ഡ് ഓഫ് കണ്‍ട്രോള്‍ ഫോര്‍ ആം റസലിംങ് ഇന്‍ ഇന്ത്യയും ചേര്‍ന്നാണ് ലോക ചാമ്പ്യന്‍ഷിപ്പ് സംഘടിപ്പിച്ചത്.