അരങ്ങാടത്ത് സ്വദേശി തെങ്ങില്‍ നിന്ന് വീണ് മരിച്ചു
കൊയിലാണ്ടി: തെങ്ങില്‍ നിന്ന് വീണ് പരിക്കേറ്റ് ചികിത്സയിലായിരുന്ന അരങ്ങാടത്ത് പുത്തന്‍പുരയില്‍ ശിവന്‍ അന്തരിച്ചു. അറുപത്തിരണ്ട് വയസായിരുന്നു.
കഴിഞ്ഞ തിങ്കളാഴ്ച രാവിലെ ജോലിയ്ക്കിടെ തെങ്ങില്‍ നിന്ന് വീഴുകയായിരുന്നു. തുടര്‍ന്ന് കോഴിക്കോട് മെഡിക്കല്‍ കോളേജില്‍ ചികിത്സയിലായിരുന്നു. ഇന്ന് പുലര്‍ച്ചെയായിരുന്നു അന്ത്യം.
പരേതരായ കുഞ്ഞിക്കണാരന്റെയും മാതയുടെയും മകനാണ്. ഭാര്യ: ശ്യാമള. മക്കള്‍: ഷിബിലി, ഷിബിന. പോസ്റ്റുമോര്‍ട്ടത്തിനുശേഷം മൃതദേഹം അരങ്ങാടത്തെ വീട്ടില്‍ സംസ്‌കരിക്കും.