കൊയിലാണ്ടി: കൊയിലാണ്ടി സ്വദേശിയെ മുംബൈയില്‍ കാണാതായി. മാരാമുറ്റംതെരു ബി.കെ.വിനുവിനെയാണ് കാണാതായത്. 43 വയസാണ്.

കേരളത്തില്‍ നിന്നും ഫെബ്രുവരി നാലാം തിയ്യതി നവി മുംബൈയിലേക്ക് തിരിച്ച കെ.എല്‍. 35 ജി 8428 എന്ന ചരക്ക് ലോറിയില്‍ സെക്കന്‍ഡ് ഡ്രൈവറായി പോയതായിരുന്നു. ഫെബ്രുവരി ഏഴിന് രാത്രിയോടെ വാശിയില്‍ എത്തി. പിറ്റേന്ന് രാവിലെ 9.30 മുതലാണ് കാണാതായത്.

കാണാതാകുന്നതിന് തലേദിവസം മുതല്‍ ചെറിയ രീതിയില്‍ മാനസിക അസ്വസ്ഥത പ്രകടിപ്പിച്ചതായി കൂടെയുണ്ടായിരുന്ന പ്രധാന ഡ്രൈവര്‍ എം.കെ.ഷിജു കൊയിലാണ്ടി ന്യൂസ് ഡോട് കോമിനോടു പറഞ്ഞു. കഴിഞ്ഞദിവസം വരെ ഫോണില്‍ ബന്ധപ്പെട്ടെങ്കിലും വ്യക്തതയില്ലാതെയാണ് സംസാരിച്ചതെന്നും ഷിജു പറയുന്നു. ഇന്നലെ മുതല്‍ ഫോണ്‍ സ്വിച്ച് ഓഫാണ്.

വാശി പൊലീസ് സ്റ്റേഷനില്‍ പരാതി നല്‍കിയെങ്കിലും എഫ്.ഐ.ആര്‍ രജിസ്റ്റര്‍ ചെയ്തിട്ടില്ല. ഈ വ്യക്തിയെക്കുറിച്ച് എന്തെങ്കിലും വിവരം ലഭിക്കുന്നവര്‍ ദയവായി താഴെ കാണുന്ന ഫോണ്‍ നമ്പറുകളില്‍ ബന്ധപ്പെടുക.
ഷിജു- 77362 27908
രഘുനാഥന്‍ നായര്‍- 99201 19966.