കോഴിക്കോട് മാനാഞ്ചിറ കോംട്രസ്റ്റ് നെയ്ത്തുഫാക്ടറി കെട്ടിടത്തില്‍ തീപിടുത്തം; മേല്‍ഭാഗം പൂര്‍ണ്ണമായും കത്തിനശിച്ചു
കോഴിക്കോട്: മാനാഞ്ചിറ കോംട്രസ്റ്റ് നെയ്ത്തുഫാക്ടറി വളപ്പില്‍ വന്‍ തീപിടുത്തം. പ്രധാന കെട്ടിടത്തിന്റെ പിറകിലെ കെട്ടിടത്തിനാണ് തീ പിടിച്ചത്. സംഭവത്തില്‍ കെട്ടിടത്തിന്റെ മേല്‍ഭാഗം പൂര്‍ണമായും കത്തിനശിച്ച നിലയിലാണുളളത്.
വ്യാഴാഴ്ച്ച രാത്രി ഒമ്പതുമണിയോടെയാണ് സംഭവം. മീഞ്ചന്ത, വെള്ളിമാടുകുന്ന്, ബീച്ച് എന്നിവിടങ്ങളില്‍ നിന്നുള്ള അഗ്‌നി രക്ഷാസേനയെത്തി തീ നിയന്ത്രണ വിധേയമാക്കുകയായിരുന്നു.