വടകരയില്‍ ടെമ്പോ ട്രാവലര്‍ താഴ്ചയിലേക്ക് മറിഞ്ഞ് അപകടം; ഒരു മരണം, പരിക്കേറ്റവരില്‍ ഒരാളുടെ നില ഗുരുതരം
വടകര: ദേശീയപാതയില്‍ മടപ്പള്ളിയില്‍ വാഹനാപകടം. അപകടത്തില്‍ ഒരു സ്ത്രീ മരിച്ചു. നിരവധി പേര്‍ക്ക് പരിക്കേറ്റിട്ടുണ്ട്.
പുലര്‍ച്ചെയോടെയായിരുന്നു അപകടം. 12 പേര്‍ക്ക് പരിക്കേറ്റു. ഇതില്‍ ഗുരുതരമായി പരിക്കേറ്റ നാലുപേരെ കോഴിക്കോട് മെഡിക്കല്‍ കോളേജില്‍ ചികിത്സയിലാണ്. ഇതില്‍ ഒരാളാണ് മരിച്ചത്. മറ്റുമൂന്നുപേരില്‍ ഒരാളുടെ നില ഗുരുതരമാണ്. പരിക്കേറ്റ ബാക്കിയുള്ളവര്‍ വടകരയിലെ ആശുപത്രിയില്‍ ചികിത്സയിലാണ്.
പാലായില്‍ നിന്നും കാസര്‍കോട്ടെ മരണാനന്തര ചടങ്ങില്‍ പങ്കെടുക്കാനായി പോയ സംഘമാണ് അപകടത്തില്‍പ്പെട്ടത്.
അഗ്നിരക്ഷാ സേന സ്ഥലത്തെത്തിയാണ് രക്ഷാപ്രവർത്തനങ്ങള്‍ക്ക് നേതൃത്വം നല്‍കിയത്. സേനയുടെ രണ്ട് വാഹനത്തിലും 108 ആംബുലനസിലുമാണ് പരിക്കേറ്റവരെ വടകര ഗവ. ഹോസ്പിറ്റലിലും പാർക്കോ ഹോസ്പിറ്റലിലും എത്തിച്ചത്. രക്ഷപ്രവർത്തനത്തിന് ഗ്രേഡ് അസിസ്റ്റന്റ് സ്റ്റേഷൻ ഓഫീസർ കെ.ടി.രാജീവൻ നേതൃത്വം നൽകി.. ഫയർ & റെസ്ക്യൂ ഓഫീസർമാരായ സുബൈർ. കെ, ജൈസൽ.ആദർശ് വി.കെ, ജാഹിർ. കെ, സഹിർ., അമൽ രാജ്, സാരംഗ്, അർജുൻ ഉം ഹോം ഗാർഡ് സത്യനും പങ്കെടുത്തു.