പുറക്കാട് കിടഞ്ഞിക്കുന്നില്‍ കല്ലുമായി വന്ന ലോറി മറിഞ്ഞ് അപകടം; രണ്ട് വീടുകളുടെ മതില്‍ പൂര്‍ണമായി തകര്‍ന്നു
പുറക്കാട്: കണ്ണൂരില്‍ നിന്ന് കല്ലുമായി വന്ന ലോറി മറിഞ്ഞ് അപകടം. പുറക്കാട് കിടഞ്ഞിക്കുന്നില്‍ ഇന്ന് രാവിലെയായിരുന്നു അപകടം.
കിടഞ്ഞിക്കുന്ന് കയറ്റം കയറുന്നതിനിടെ വണ്ടി പിറകിലോട്ട് പോയി മറിയുകയായിരുന്നു. അപകടത്തില്‍ ആര്‍ക്കും പരിക്കില്ല. എന്നാല്‍ കിഴക്കേ വളപ്പില്‍ അഷ്‌റഫിന്റെയും സക്കീറിന്റെയും വീടിന്റെ മതിലുകള്‍ ഇടിഞ്ഞിട്ടുണ്ട്.
കിഴക്കേ വളപ്പില്‍ സക്കീറിന്റെ മതില്‍ പൂര്‍ണ്ണമായും തകര്‍ന്ന നിലയിലാണുളളത്. നിലവില്‍ ലോറിയില്‍ നിന്നും വീണ കല്ലുകള്‍ മാറ്റിയിട്ടുണ്ട്. ലോറി നീക്കാനുളള നടപടികള്‍ ആരംഭിച്ചിട്ടുണ്ട്.