കേരഗ്രാമം പദ്ധതിയില്‍ കൊയിലാണ്ടി നഗരസഭ; നടേരി നന്മ കേര സമിതി ക്ലസ്റ്ററിലെ കര്‍ഷകര്‍ക്ക് സബ്‌സിഡി ഇനത്തില്‍ വളം വിതരണം
കൊയിലാണ്ടി: കേരഗ്രാമം പദ്ധതിയില്‍ കൊയിലാണ്ടി നഗരസഭ, നടേരി നന്മ കേര സമിതി ക്ലസ്റ്ററിലെ എട്ട് വാര്‍ഡുകളിലായുള്ള കര്‍ഷകര്‍ക്ക് സബ്‌സിഡി ഇനത്തിലുള്ള വളങ്ങള്‍ വിതരണം ചെയ്തു. 2023-24 വര്‍ഷത്തെ പദ്ധതിയില്‍ നല്‍കുന്ന വളങ്ങളുടെ വിതരണം നഗരസഭ അധ്യക്ഷ സുധ കിഴക്കെപ്പാട്ട് ഉദ്ഘാടനം ചെയ്തു.
മുത്താമ്പിയില്‍ നടന്ന പരിപാടിയില്‍ സ്ഥിരം സമിതി ചെയര്‍മാന്‍ കെ.എ.ഇന്ദിര അധ്യക്ഷത വഹിച്ചു. കൗണ്‍സിലര്‍ എന്‍.എസ്.വിഷ്ണു, പി.കെ.അജയകുമാര്‍, കൃഷി ഓഫീസര്‍ ദിവ്യ, കെ.പി.കുഞ്ഞമ്മദ് എന്നിവര്‍ സംസാരിച്ചു.