നന്തിയിലെ ചന്ദ്രിക റിപ്പോര്‍ട്ടര്‍ സി.എ.റഹ്‌മാന്‍ ഡല്‍മന് ആദരവൊരുക്കി മുസ്‌ലിം യൂത്ത് ലീഗ്
മൂടാടി: അന്‍പത്തിയഞ്ച് വര്‍ഷം പിന്നിട്ട നന്തി ബസാര്‍ ചന്ദ്രിക റിപ്പോര്‍ട്ടര്‍ സി.എ.റഹ്‌മാന്‍ ഡല്‍മനെ മുസ്‌ലിം യൂത്ത് ലീഗ് മൂടാടി പഞ്ചായത്ത് കമ്മിറ്റി ആദരിച്ചു. ചന്ദ്രിക തൊന്നൂറാം വാര്‍ഷികം ആലോഷിക്കുന്ന വേളയിലാണ് സി.എ.റഹ്‌മാനെ യൂത്ത് ലീഗ് ആദരിച്ചത്.
മുസ്‌ലിം ലീഗ് ദേശീയ അസ്റ്റിസ്റ്റന്റ് സിക്രട്ടറി സി.കെ.സുബൈര്‍ പരിപാടി ഉദ്ഘാടനം ചെയ്യുകയും റഹ്‌മാനെ ഉപഹാരം നല്‍കി ആദരിക്കുകയും ചെയ്തു. പി.കെ.മുഹമ്മദലി അധ്യക്ഷത വഹിച്ചു. വി.പി.ഇബ്രാഹിം കുട്ടി, സി.കെ.അബൂബക്കര്‍, കെ.കെ.റിയാസ്, എടത്തില്‍ റഷീദ്, വര്‍ദ് അബ്ദുറഹ്‌മാന്‍, ജാഫര്‍ നിലയെടുത്ത്, പി.പി.കരീം, അഷ്‌റഫ് ചിപ്പു, യു.കെ.ഹമീദ്, ഷറഫുദീന്‍, ഫായിസ്.പി.കെ, അനസ് ആയടത്തില്‍, മര്‍വ ഇബ്രാഹിം, കാട്ടില്‍ അബൂബക്കര്‍, അക്ബര്‍ സംസാരിച്ചു. ഏവി രിയാസ് സ്വാഗതവും അഷ്‌റഫ് നന്ദിയും പറഞ്ഞു.