കൊയിലാണ്ടി സില്‍ക്ക് ബസാറില്‍ ബസ് കാറിലിടിച്ച് അപകടം
കൊയിലാണ്ടി: സില്‍ക്ക് ബസാറില്‍ ബസ് കാറിലിടിച്ച് അപകടം. കോഴിക്കോടുനിന്നും കണ്ണൂരിലേക്ക് പോകുകയായിരുന്ന ഗംഗോത്രി ബസ് രണ്ട് വാഹനങ്ങളെ മറികടക്കുന്നതിനിടെ അതേ ദിശയില്‍ പോകുകയായിരുന്ന കാറില്‍ ഇടിക്കുകയായിരുന്നെന്ന് ദൃക്‌സാക്ഷികള്‍ കൊയിലാണ്ടി ന്യൂസ് ഡോട് കോമിനോടു പറഞ്ഞു.
സില്‍ക്ക് ബസാറിലെ ചെന്താര വായനശാലയ്ക്ക് തഅരികിലായി ദേശീയപാതയില്‍ രാവിലെ പതിനൊന്നരയോടെയായിരുന്നു സംഭവം. അപകടത്തില്‍ ആര്‍ക്കും പരിക്കില്ല. കാറില്‍ ഡ്രൈവര്‍ മാത്രമാണ് ഉണ്ടായിരുന്നത്. ഇടിയുടെ ആഘാതത്തില്‍ കാറിന്റെ പിന്‍വശത്ത് കേടുപാടുകള്‍ സംഭവിച്ചിട്ടുണ്ട്. കൊയിലാണ്ടി പൊലീസ് സ്ഥലത്തെത്തി.