മലപ്പുറം: മലപ്പുറം മുണ്ടുപറമ്പില്‍ കാറിനും ബൈക്കിനും മീതെ ലോറി മറിഞ്ഞ് അപകടം. ലോറിയ്ക്ക് അടിയില്‍ രണ്ടുപേര്‍ കുടുങ്ങിക്കിടക്കുകയാണ്. കോഴിക്കോട് ഭാഗത്തേക്ക് പോകുകയായിരുന്ന ലോറിയാണ് അപകടത്തില്‍പ്പെട്ടത്.

ആദ്യം കണ്ട ഒരാളെ രക്ഷപ്പെടുത്തി ആശുപത്രിയിലേക്ക് കൊണ്ടുപോയിട്ടുണ്ട്. മറ്റൊരാളെ ലോറി വെട്ടിപ്പൊളിച്ച് രക്ഷിക്കാനുള്ള ശ്രമം പുരോഗമിക്കുകയാണ്. ഫയര്‍ഫോഴ്‌സ് സംഘം സ്ഥലത്തെത്തിയിട്ടുണ്ട്. നാട്ടുകാരും ഫയര്‍ഫോഴ്‌സും ചേര്‍ന്നാണ് രക്ഷാപ്രവര്‍ത്തനം നടത്തുന്നത്.