കൊടുവള്ളിയിൽ വയോധികന്റെ മൃതദേഹം കുളത്തിൽ കഴുത്തറുത്ത നിലയിൽ കണ്ടെത്തി
കൊടുവള്ളി : കൊടുവള്ളി എളേറ്റില്‍ വയോധികന്റെ മൃതദേഹം കുളത്തില്‍ കഴുത്തറുത്ത നിലയില്‍ കണ്ടെത്തി. എളേറ്റില്‍ പൂവത്തിങ്ങല്‍ പുലിവലത്തില്‍ ചെറിയ ആലി (63) ആണ് മരിച്ചത്.എളേറ്റില്‍ ഞേളിക്കുന്നുമ്മല്‍ പൊതു കുളത്തിലാണ് ഇന്ന് രാവിലെ മൃതദേഹം കണ്ടെത്തിയത്. പ്രദേശവാസി കുളിക്കാനെത്തിയപ്പോള്‍ കുളക്കരയില്‍ ടോര്‍ച്ച്‌, കത്തി, ചെരുപ്പ് എന്നിവ കണ്ടു.
തുടര്‍ന്നാണ് കുളത്തില്‍ മൃതദേഹം കണ്ടെത്തിയത്. നരിക്കുനിയില്‍ നിന്ന് ഫയര്‍ഫോഴ്‌സ് എത്തി മൃതദേഹം കരക്കെത്തിച്ചപ്പോഴാണ് മരിച്ചത് പ്രദേശവാസിയായ ആലിയാണെന്ന് തിരിച്ചറിഞ്ഞത്. കൊടുവള്ളി പോലീസും ഡോഗ് സ്‌ക്വാഡും വിരലടയാളം വിദഗ്ധരും ഫോറന്‍സിക് വിദഗ്ദരും സ്ഥലത്തെത്തി പരിശോധന നടത്തി.