പ്രമുഖ സോഷ്യലിസ്റ്റും എല്‍.ജെ.ഡി നേതാവുമായിരുന്ന തിക്കോടിയിലെ വി.പി.കുഞ്ഞഹമ്മദ് അന്തരിച്ചു
തിക്കോടി: പഞ്ചായത്ത് ബസാറില്‍ റജിന മന്‍സില്‍ വി.പി കുഞ്ഞഹമ്മദ് അന്തരിച്ചു. എണ്‍പത്തിയാറ് വയസായിരുന്നു.
പ്രമുഖ സോഷ്യലിസ്റ്റും എല്‍.ജെ.ഡി നേതാവും സാമൂഹിക്യ സാംസ്‌കാരിക രംഗത്തെ നിറ സാന്നിധ്യവുമായിരുന്നു അദ്ദേഹം. എല്‍.ജെ.ഡി കൊയിലാണ്ടി മണ്ഡലം വൈസ് പ്രസിഡന്റ്, തൃക്കോട്ടൂര്‍ ലേബര്‍ കോണ്‍ട്രാക്ട് കോ ഓപ്പറേറ്റീവ് സൊസൈറ്റി വൈസ് പ്രസിഡന്റ് എന്നീ നിലകളില്‍ പ്രവര്‍ത്തിച്ചിട്ടുണ്ട്. കലാരംഗത്ത് സജീവമായിരുന്ന അദ്ദേഹം നാടക നടന്‍ എന്ന നിലയില്‍ ഏറെ ശ്രദ്ധനേടിയിരുന്നു.
ഭാര്യ: കുഞ്ഞിപ്പാത്തു. മക്കള്‍: മുജീബ്, ഫൈസല്‍, സെറീന. മരുമക്കള്‍: കാദര്‍കുട്ടി, ജസീറ, നാസിയ. സഹോദരങ്ങള്‍: ബാബു, അഡ്വ. കുട്ട്യാലി, ബഷീര്‍, ഉപ്പാത്തു, കുഞ്ഞാമിന, സുഹറ, പരേതനായ കുഞ്ഞബ്ദുള്ള.