‘അയാള്‍ ഇങ്ങനെയാണ്, എല്ലാ സിനിമകളും വിചാരിക്കാത്തതുപോലെയാണ്’; ലിജോ ജോസ് പെല്ലിശ്ശേരി ചിത്രം നന്‍പകല്‍ നേരത്ത് മയക്കം കണ്ട അനുഭവം പങ്കുവെച്ച് കല്‍പ്പറ്റ നാരായണന്‍
ലിജോ ജോസ് പെല്ലിശ്ശേരി ചിത്രം ‘നന്‍പകല്‍ നേരത്ത് മയക്കം’ കണ്ട അനുഭവം പങ്കുവെച്ച് എഴുത്തുകാരന്‍ കല്പറ്റ നാരായണന്‍. അപ്രതീക്ഷിതമായ ഒരു സിനിമ എന്നാണ് ചിത്രത്തെക്കുറിച്ച് കല്പറ്റ നാരായണന്‍ പറഞ്ഞത്.
‘അയാള്‍ ഇങ്ങനെയാണ്, എല്ലാ സിനിമകളും വിചാരിക്കാത്തതുപോലെയാണ്. അപ്രതീക്ഷിതമായ ഒരു ചലച്ചിത്രം’, കല്പറ്റ നാരായണന്‍ പറഞ്ഞു. ഐ.എഫ്.എഫ്.എഫ്.കെയില്‍ പ്രദര്‍ശിപ്പിച്ച ചിത്രം കണ്ടശേഷമായിരുന്നു അദ്ദേഹത്തിന്റെ പ്രതികരണം.
സിനിമയ്ക്ക് മികച്ച പ്രതികരണമാണ് ഐ.എഫ്.എഫ്.കെ വേദിയില്‍ നിന്ന് വന്നുകൊണ്ടിരിക്കുന്നത്. എല്‍ജെപിയുടെ മറ്റൊരു വ്യത്യസ്ത ചിത്രമെന്നും മലയാളത്തിലെ ഏറ്റവും മികച്ച ചലച്ചിത്രങ്ങളുടെ പട്ടികയില്‍ നന്‍പകലിന് സ്ഥാനമുണ്ട് എന്നുമാണ് പ്രേക്ഷക പ്രതികരണം.
അതേ സമയം, സിനിമ കാണാന്‍ കഴിയാതെ നിരവധി ഡെലിഗേറ്റുകള്‍ക്ക് നിരാശപ്പെട്ട ദിവസം കൂടിയായിരുന്നു ഇന്നലെ. 100 ശതമാനം റിസര്‍വേഷന്‍ എന്നത് മാറ്റണമെന്നും റിസര്‍വേഷന്‍ ചെയ്യാന്‍ കഴിയാത്തവര്‍ക്ക് സിനിമ കാണാനുള്ള അവസരമുണ്ടാക്കണമെന്നുമാണ് ഐ.എഫ്.എഫ്.കെയില്‍ ഡെലിഗേറ്റകുള്‍ ഉയര്‍ത്തുന്ന ആവശ്യം.