ചേമഞ്ചേരി: പൂക്കാട് അങ്ങാടിയിലെ പാലത്തില്‍ സ്റ്റോര്‍ ഉടമ പാലത്തില്‍ ശങ്കരന്‍ അന്തരിച്ചു. എഴുപത്തിയഞ്ച് വയസ്സായിരുന്നു. ഹൃദയാഘാതത്തെതുടര്‍ന്നായിരുന്നു അന്ത്യം.

വെള്ളിയാഴ്ച വൈകുന്നേരം കടപൂട്ടിയശേഷം കൊയിലാണ്ടിയില്‍ നിന്ന് ഉള്ള്യേരിക്കുള്ള ബസ്സില്‍ കയറുന്നതിനിടെ ദേഹാസ്വാസ്ഥ്യം അനുഭവപ്പെടുകയായിരുന്നു. തുടര്‍ന്ന് മൊടക്കല്ലൂരിലെ മലബാര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിയ്ക്കുകയായിരുന്നു. ശനിയാഴ്ച പുലര്‍ച്ചയോടെയാണ് മരണം സംഭവിച്ചത്.

ഉള്ള്യേരി-19 ലാണ് വീട്.

ഭാര്യ: പരേതയായ കമലാക്ഷി.

മക്കള്‍: നിധീഷ് (പൊലീസ്), നിധി.

മരുമക്കള്‍: പ്രസീജ, രാജേന്ദ്രന്‍.

സംസ്ക്കാര ചടങ്ങുകള്‍ ശനിയാഴ്ച നാലുമണിയ്ക്ക് വീട്ടുവളപ്പില്‍ നടത്തും. ആദരസൂചകമായി പൂക്കാട് ടൗണില്‍ നാലു മണിമുതൽ ഹർത്താൽ ആചരിയ്ക്കും.

Pookadu palathil Store Owner Palamthil Sankaran Passed Away; pookkad hartal from 4 pm