കുറ്റ്യാടി ചുരത്തില്‍ കാറിന് നേരെ പാഞ്ഞടുത്ത് ആന; കാറിന് ഇടിച്ച ശേഷം മടക്കം, തലനാരിഴയ്ക്ക് രക്ഷപ്പെട്ട് യാത്രക്കാര്‍
കുറ്റ്യാടി: കുറ്റ്യാടി ചുരത്തിൽ കാറിനു നേരെ പാഞ്ഞടുത്ത് കാട്ടാന. വയനാട് സ്വദേശികളായ കാർ യാത്രക്കാർ തലനാരിഴക്ക് രക്ഷപ്പെടുന്നതിന്റെ വീഡിയോ ദൃശ്യങ്ങള്‍ സമൂഹമാധ്യമങ്ങളില്‍ വൈറലായിരിക്കുകയാണ്‌. പക്രംതളം ചുരം റോഡിൽ ഇന്ന് രാവിലെയാണ്‌ സംഭവം.
വാളാട് പുത്തൂർ വള്ളിയിൽ വീട്ടിൽ റിയാസ് ആണ് കാറോടിച്ചിരുന്നത്. കോഴിക്കോട് വിമാനത്താവളത്തിൽ നിന്ന് ബന്ധുവിനെ കൂട്ടിക്കൊണ്ടുവരാനായി പോയതായിരുന്നു. ഇതിനിടെയാണ്‌ ചുരം തുടങ്ങുന്ന സ്ഥലത്ത് വച്ച്‌ കാട്ടാന കാറിന് നേരെ പാഞ്ഞടുത്തത്.
https://youtube.com/shorts/2FVxVf6xicA?si=S6f-5hRLEHT8v66M
ആക്രമിക്കാനെന്നോണം ആന വേഗത്തില്‍ കാറിനടുത്തേക്ക്‌ പാഞ്ഞടുക്കുന്നതും പിന്നീട് പെട്ടെന്ന് തന്നെ തിരികെ പോകുന്നതും വിഡിയോയിൽ കാണാം. പേടിച്ച് യാത്രക്കാര്‍ ശബ്ദമുണ്ടാക്കുന്നതും ദൃശ്യങ്ങളില്‍ കേള്‍ക്കാന്‍ സാധിക്കും. ഇതിനിടെ മരണത്തിനും ജീവിതത്തിനുമിടയിലെ ഈ നിമിഷങ്ങള്‍ കാര്‍ യാത്രക്കാര്‍ പകര്‍ത്തുകയായിരുന്നു.