കണയങ്കോട് കിടാരത്തില്‍ തലച്ചില്ലോന്‍ ദേവീ ക്ഷേത്രത്തിലെ തുലാപ്പത്ത് ഉത്സവം ഒക്ടോബര്‍ 26ന്
കൊയിലാണ്ടി: കണയങ്കോട് കിടാരത്തില്‍ തലച്ചില്ലോന്‍ ദേവീ ക്ഷേത്രത്തിലെ തുലാപ്പത്ത് ഉത്സവം ഒക്ടോബര്‍ 26 ശനിയാഴ്ച നടക്കും. വിശേഷാല്‍ പൂജകള്‍, തായമ്പക, ദീപാരാധന, തിറയാട്ടം എന്നിവയാണ് മുഖ്യചടങ്ങുകള്‍.
തുലാം 10 ദക്ഷിണായനത്തിലെ പത്താംമുദയത്തിന് ശേഷമാണ് വടക്കന്‍ കേരളത്തിലെ അമ്പലപ്പറമ്പുകളിലും തിറയാട്ട കാവുകളിലും തെയ്യകോലങ്ങള്‍ കെട്ടിയാടി കാല്‍ ചിലമ്പുകളുടേയും, അരുളപ്പാടിന്റെയും ആരവങ്ങള്‍ക്ക് തുടക്കം കുറിക്കുന്നത്.
ദേവീ ക്ഷേത്രത്തിന്റെ വടക്ക് ഭാഗം പാത്താരി ശിവദാസന്‍ (താര, മണമല്‍) വക നിര്‍മ്മിച്ച കന്മതില്‍ ഒക്ടോബര്‍ 26 ശനിയാഴ്ച 11 മണിയ്ക്ക് നടക്കുന്ന ചടങ്ങില്‍ ക്ഷേത്ര തന്ത്രി മേപ്പാട്ടില്ലത്ത് സുബ്രമണ്യന്‍ നമ്പൂതിരി ഏറ്റുവാങ്ങി സമര്‍പ്പിക്കുന്നതാണ്.