‘വേറെയേതോ വിപഞ്ചിയില്‍ പടര്‍ന്നേറുവാനതിനാകുമോ’.. നൊമ്പരമായി സുഹൃത്തിന്റെ വിവാഹ വാര്‍ഷികദിനത്തില്‍ സഗീഷ് പാടിയ ഗാനം (വീഡിയോ കാണാം)
വടകര: ‘ഞാന്‍ മരിച്ചാല്‍ നാദാപുരം റോഡില്‍ നിങ്ങള്‍ ഒരു ഫ്‌ളെക്‌സ് വെക്കില്ലേ നിങ്ങളുടെ സെക്രട്ടറി അല്ലേ ഞാന്‍………….ഏതാനും ദിവസങ്ങള്‍ക്കു മുമ്പ് സുഹൃത്തുക്കള്‍ക്കിടയിലെ സൗഹൃദസംഭാഷണത്തിനിടെ സഗീഷ് പറഞ്ഞ വാക്കുകളാണിത്. എന്നാല്‍ ഇത്ര പെട്ടെന്ന് അവന്‍ തങ്ങളെ വിട്ടുപോവുമെന്ന് കരുതിയിരുന്നില്ല ഇവരാരും.
ജീവിത ചക്രത്തില്‍ മരണമെന്ന പ്രക്രിയ അനിവാര്യമായ ഒന്നാണ്. എന്നാല്‍ സഗീഷിന്റെ വിയോഗം തികച്ചും യാദൃശ്ചികമായൊരു വേര്‍പാടായിരുന്നു സുഹൃത്തുക്കള്‍ക്ക്. ജീവിതത്തില്‍ സൗഹൃദത്തിന് ഏറെ പ്രാധാന്യം നല്‍കിയ വ്യക്തിയായിരുന്നു മടപ്പള്ളി സ്വദേശി സഗീഷ്. ജോലിത്തിരക്കുകള്‍ക്കിടയില്‍ കിട്ടുന്ന ഒഴിവു സമയങ്ങളെല്ലാം പാട്ടും കലാപരിപാടികളുമായി എല്ലാത്തിലും സജീവമായിരുന്നു അദ്ദേഹം. കൂടാതെ നല്ലൊരു ഗായകന്‍ കൂടിയായിരുന്നു. സൗഹൃദ കൂട്ടായ്മയിലെ സ്ഥിരം ഗായകനായിരുന്നു.
സുഹൃത്തിന്റെ വിവാഹ വാര്‍ഷികദിനത്തില്‍ സഗീഷ് പാടിയ വീഡിയോ കാണാം: