മോട്ടോർ ബൈക്കിൽ കാർ ഇടിച്ചുണ്ടായ അപകടത്തില്‍ ബൈക്ക് യാത്രികരില്‍ വടകര എടച്ചേരി തലായ് സ്വദേശി മരിച്ചു
വടകര: വാഹനാപകടത്തില്‍ വടകര എടച്ചേരി തലായി സ്വദേശി മരിച്ചു. ദേശീയപാതയിലെ ഒഞ്ചിയം റോഡിൽ മോട്ടോർ ബൈക്കിൽ കാർ ഇടിച്ചുണ്ടായ അപകടത്തിലാണ് വിജീഷ് (38) മരണപ്പെട്ടത്. ഇദ്ദേഹം ബൈക്കിൻ്റെ പിൻസീറ്റിൽ ഇരുന്ന് യാത്ര ചെയ്യുകയായിരുന്നു.
മൃതദേഹം വടകര ഗവ. ജില്ലാ ആശുപത്രി മോർച്ചറിയിലേക്ക് മാറ്റി. വിജീഷ് നിര്‍മ്മാണ തൊഴിലാളിയാണ്. കേളപ്പന്റെയും നാരായണിയുടെയും മകനാണ് വിജീഷ്. വിജിഷ,വിപിഷ എന്നിവരാണ് സഹോദരങ്ങള്‍.