നാദാപുരം: വിലങ്ങാട് ആറാം ക്ലാസ് വിദ്യാര്‍ഥിയെ തെരുവ് പട്ടി കടിച്ച് പരിക്കേല്‍പ്പിച്ചു. കുട്ടിയുടെ കാലിന്റെ തുടക്കാണ് കടിയേറ്റത്.

ഇന്ന് രാവിലെ 11 മണിക്ക് വിലങ്ങാട് പെട്രോള്‍ പമ്പ് പരിസരത്താണ് സംഭവം. വിലങ്ങാട് മലയങ്ങാട് സ്വദേശി അങ്ങാടി പറമ്പില്‍ ജയന്റെ മകന്‍ ജയസൂര്യ (12) നാണ് കടിയേറ്റത്.

സഹോദരനൊപ്പം കടയില്‍ നിന്ന് സാധനങ്ങള്‍ വാങ്ങി വീട്ടിലേക്ക് പോകവെയായിരുന്നു നായ ആക്രമിച്ചത്. റോഡിലുണ്ടായിരുന്ന നായ ചാടി കടിക്കുകയായിരുന്നു.