കുരുന്നുകള്‍ക്ക് കൂട്ടായ് ദീര്‍ഘനാളുകള്‍; മേപ്പയ്യൂരിലെ പാവട്ടുകണ്ടിമുക്ക് അംഗന്‍വാടി ഹെല്‍പ്പറായിരുന്ന കെ.കെ.സൗമിനിയ്ക്ക് യാത്രയയപ്പേകി
മേപ്പയ്യൂര്‍: ദീരര്‍ഘകാലം അംഗന്‍വാടി ഹെല്‍പ്പറായി സേവനമനുഷ്ടിച്ച് വിരമിക്കുന്ന മേപ്പയ്യൂരിലെ പാവട്ടുകണ്ടിമുക്ക് അംഗന്‍വാടിയിലെ കെ.കെ സൗമിനിയ്ക്ക് യാത്രയയപ്പു നല്‍കി. ചടങ്ങിന്റെ ഉദ്ഘാടനം മേലടി ബ്ലോക്ക് പഞ്ചായത്ത് പ്രസിഡന്റ് സുരേഷ് ചങ്ങാടത്ത് നിര്‍വ്വഹിച്ചു.
കെ.കെ.രജീഷ് അധ്യക്ഷത വഹിച്ചു. ഗ്രാമ പഞ്ചായത്ത് പ്രസിഡന്റ് കെ.ടി രാജന്‍ മുഖ്യപ്രഭാഷണം നടത്തി. 15ാം വാര്‍ഡ് കണ്‍വീനര്‍ കെ.കെ ബാബു, സിപിഐഎം മേപ്പയ്യൂര്‍ നോര്‍ത്ത് ലോക്കല്‍ സെക്രട്ടറി പി.പി രാധാകൃഷ്ണന്‍ മാസ്റ്റര്‍, മുസ്ലീം ലീഗ് മേപ്പയ്യൂര്‍ പഞ്ചായത്ത് പ്രസിഡന്റ് എം.എം അഷറഫ് മാസ്റ്റര്‍, 15ാം വാര്‍ഡ് എഡിഎസ് സെക്രട്ടറി നിബിത വി.പി മഞ്ഞക്കുളം അംഗന്‍വാടി ലീന ടീച്ചര്‍ എന്നിവര്‍ ആശംസകള്‍ നേര്‍ന്നു.
സ്‌നേഹാദരം ഏറ്റുവാങ്ങിയ സൗമിനി സംസാരിച്ചു. ചടങ്ങില്‍ സ്വാഗത സംഘം കണ്‍വീനര്‍ ഗീത ടീച്ചര്‍ സ്വാഗതവും ബിജില എം.കെ നന്ദിയും പറഞ്ഞു.