പയ്യോളി: അമൃത എക്‌സ്പ്രസില്‍ യുവതിയോട് ലൈംഗികാതിക്രമം കാട്ടിയ ഇരിങ്ങല്‍ സ്വദേശി അഭിലാഷ് അറസ്റ്റില്‍. ജനറല്‍ കമ്പാര്‍ട്ടുമെന്റില്‍വെച്ച് ഇയാള്‍ ഇരുപത്തിനാലുകാരിയോട് അപമര്യാദയായി പെരുമാറുകയായിരുന്നു. യുവതി കായംകുളം റെയില്‍വേ സ്റ്റേഷനില്‍ ഇറങ്ങി പൊലീസില്‍ പരാതി നല്‍കുകയായിരുന്നു. ശനിയാഴ്ച വൈകുന്നേരമാണ് കേസിനാസ്പദമായ സംഭവം നടന്നത്.

മധുരയില്‍ നിന്ന് തിരുവനന്തപുരത്തേക്ക് പുറപ്പെടുന്ന അമൃത എക്‌സ്പ്രസ് കോട്ടയം വിട്ടപ്പോഴായിരുന്നു സംഭവം. യുവതിയുടെ പരാതിയുടെ അടിസ്ഥാനത്തില്‍ കോട്ടയം പൊലീസ് കേസെടുക്കുകയും പ്രതിയെ പിടികൂടുകയുമായിരുന്നു. എറണാകുളത്ത് ഇവന്റ് മാനേജ്‌മെന്റ് കമ്പനിയിലേക്ക് ജോലിക്കാരെ വിതരണം ചെയ്യുന്നയാളാണ് അഭിലാഷ്.

റെയില്‍വേ എസ്.എച്ച്.ഒ റെജി.പി.ജോസഫിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.