വിലങ്ങാട്: ഉരുൾപൊട്ടലുണ്ടായ വിലങ്ങാട് മഞ്ഞക്കുന്ന് പ്രദേശവും ദുരിതാശ്വാസ ക്യാമ്പുകളും ഡിവൈഎഫ്ഐ സംസ്ഥാന നേതാക്കൾ സന്ദർശിച്ചു. ക്യാമ്പിലുള്ളവരുമായി വിവരങ്ങൾ തിരക്കി. ക്യാമ്പിൽ വേണ്ട ഭൗതിക സാഹചര്യങ്ങൾ ഉറപ്പുവരുത്തുന്നതിനു വേണ്ട കാര്യങ്ങൾ ചെയ്യുമെന്ന് നേതാക്കൾ പറഞ്ഞു.

സംസ്ഥാന സെക്രട്ടറി വികെ സനോജ്, സംസ്ഥാന പ്രസിഡൻ്റ് വി വസീഫ് എന്നിവർക്കൊപ്പം കേന്ദ്ര കമ്മറ്റിയംഗം എം ഷാജർ, നാദാപുരം ബ്ലോക്ക് സെക്രട്ടറി രാഹുൽ രാജ്, പ്രസിഡൻ്റ് എ.കെ ബിജിത്ത്, എസ് എഫ് ഐ ജില്ലാ സെക്രട്ടറി പി താജുദ്ദീൻ, മേഖലാ പ്രസിഡൻ്റ് ആദർശ് തുടങ്ങിയവരും ഉണ്ടായിരുന്നു.