മുത്താമ്പി വൈദ്യരങ്ങാടിയില്‍ പച്ചക്കറി കടയിലെ തീപിടുത്തം; വീഡിയോ കാണാം
മുത്താമ്പി: മുത്താമ്പി വൈദ്യരങ്ങാടിയില്‍ പച്ചക്കറി കടയില്‍ തീപിടുത്തം. ഇന്നലെ രാത്രി 10.15 ഓടെയാണ് സംഭവം.
കരീം എന്ന ആളുടെ ഉടമസ്ഥയിലുള്ള പച്ചക്കറി കടയ്ക്കാണ് തീ പിടിച്ചത്.
കട പൂട്ടിയ നിലയിലായിരുന്നു. തീയും പുകയും ഉയരുന്നത് സമീത്തുണ്ടായിരുന്നവരുടെ ശ്രദ്ധയില്‍പ്പെടുകയായിരുന്നു. ഉടനെ വലിയ തീഗോളമായി മാറി.
സംഭവത്തില്‍ കടയില്‍ ഉണ്ടായിരുന്ന മീറ്റര്‍, ഫ്രിഡ്ജ് തുടങ്ങിയ ഇലക്ട്രിക് ഉപകരണങ്ങളും കടയില്‍ സൂക്ഷിച്ചിരുന്ന പച്ചക്കറികളും കത്തിനശിച്ചു. നാട്ടുകാര്‍ ഉടനെ അഗ്‌നിരക്ഷാ സേനയെ വിവരമറിയിച്ചതിനെ തുടര്‍ന്ന് രണ്ട് യൂണിറ്റ് വാഹനം സ്ഥലത്തെത്തി തീ അണച്ചു.
എ.എസ്.ടി.ഓ പി എം അനില്‍കുമാറിന്റെ നേതൃത്വത്തില്‍ എസ്.എഫ്.ആര്‍.ഓ, ടഎഞഛ അനൂപ് ബി.കെ,
നിതിന്‍രാജ്, ഇന്ദ്രജിത്, എഫ്.ആര്‍.ഓ മാരായ ബിനീഷ്, ലിനീഷ്, അനൂപ് എന്‍.പി, ഇര്‍ഷാദ് ടി.കെ,
ഹോംഗാര്‍ഡ് ഓംപ്രകാശ്, സുജിത് എന്നിവര്‍ തീയണക്കുന്നതില്‍ ഏര്‍പ്പെട്ടു.