പേരാമ്പ്ര: പ്രായപൂർത്തിയാകാത്ത വിദ്യാർത്ഥിയെ ലൈംഗികമായി ഉപദ്രവിച്ച കേസിൽ മദ്രസാ അധ്യാപകൻ അറസ്റ്റിൽ. ചെമ്പ്ര ഹിദായത്തുൽ ഇസ്ലാം മദ്രസയിലെ അധ്യാപകനായ കായണ്ണ കുന്നത്ത് കണ്ടി ഹംസ(52)ആണ് അറസ്റ്റിലായത്.

കുട്ടിയെ പല തവണ മദ്രസയിൽ വച്ചും പ്രതിയുടെ ഉടമസ്ഥതയിലുള്ള സൈക്കിൾ ഷോപ്പിൽ വച്ചും ഇയാള്‍ ഉപദ്രവിക്കുകയായിരുന്നു. പീഡനം തുടര്‍ന്നതോടെ കുട്ടി വീട്ടുകാരെ വിവരം അറിയിക്കുകയായിരുന്നു. തുടര്‍ന്ന് വീട്ടുകാര്‍ പെരുവണ്ണാമൂഴി പോലീസ് സ്‌റ്റേഷനില്‍ പരാതി നല്‍കി.

പെരുവണ്ണാമൂഴി സബ് ഇൻസ്പെക്ടറുടെ നേതൃത്വത്തിലുള്ള അന്വേഷണ സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു.

Description: Sexually harassed a minor student; Madrasa teacher arrested