പേരാമ്പ്ര: കായണ്ണയിൽ ഇടിമിന്നലിലേറ്റ് തൊഴിലുറപ്പ് തൊഴിലാളികൾക്ക് പരുക്കേറ്റു. കായണ്ണ 12-ാം വാർഡിൽ ഇന്ന് വൈകിട്ട് മൂന്ന് മണിയോടെയാണ് സംഭവം. കനത്ത മഴക്കൊപ്പം ഉണ്ടായ ഇടിമിന്നലിലാണ് ആറ് സ്ത്രീ തൊഴിലാളികൾക്ക് പരുക്കേറ്റത്.

നമ്പ്രത്തുമ്മൽ കദീശ (60), നമ്പ്രത്തുമ്മൽ നസീമ (42), നമ്പ്രത്തുമ്മൽ അനിത (38), നമ്പ്രത്തൂമ്മൽ സുമിഷ (39), നമ്പ്രത്തുമ്മൽ റുഖിയ (45), നമ്പ്രത്തുമ്മൽ കല്യാണി (73) എന്നിവർക്കാണ് പരുക്കേറ്റത്.

പരിക്കേറ്റവരെ പേരാമ്പ്ര ഇ.എം.എസ് സഹകരണ ആശുപത്രിയിൽ പ്രവേശിപ്പിച്ചു. മാവുള്ള പറമ്പിൽ റസാഖിൻ്റെ പറമ്പിൽ തൊഴിലെടുക്കുന്നതിനിടയിലാണ് ഇവർക്ക് ഇടിമിന്നലേറ്റത്.

Summary :At least 6 workers injured in Kayanna due to lightning