---

അഴിയൂർ: അഴിയൂർ- മാഹി റെയിൽവേ സ്റ്റേഷൻ റോഡിൽ മാഹി വിദേശമദ്യവുമായി തിക്കോടി സ്വദേശി പിടിയിൽ. പടിഞ്ഞാറേ തെരുവിൻതാഴ ഷൈജനാണ് പിടിയിലായത്. ഇയാളിൽ നിന്ന് 15 കുപ്പികളിലായി 7.5 ലിറ്റർ മദ്യം പിടിച്ചെടുത്തു.

ഓണം സ്പെഷ്യൽ ഡ്രൈവിന്റെ ഭാഗമായി വടകര എക്സൈസ് സർക്കിൾ ഓഫീസ് ടീം , കോഴിക്കോട് ഐബി പ്രമോദ് പുളിക്കൂൽ എന്നിവർ സംയുക്തമായി നടത്തിയ പരിശോധനയിലാണ് മദ്യം പിടികൂടിയത്. പാർട്ടിയിൽ പ്രിവന്റീവ് ഓഫീസർ ജയപ്രസാദ് സി കെ, സിവിൽ എക്സൈസ് ഓഫീസർമാരായ സന്ദീപ് ,ഷിജിൻ , ഡ്രൈവർ പ്രജീഷ് എന്നിവർ പങ്കെടുത്തു.

ഓണം സ്പെഷ്യൽ ഡ്രൈവിന്റെ ഭാഗമായി വ്യാപക പരിശോധനയാണ് എക്സൈസ് വകുപ്പിൻ്റെ നേതൃത്വത്തിൽ ജില്ലയിൽ നടക്കുന്നത്. നിരവധി മദ്യക്കടത്ത് കേസുകൾ കഴിഞ്ഞ ദിവസങ്ങളിലായി പിടികൂട്ടിയിട്ടുണ്ട്. വരും ദിവസങ്ങളിലും പരിശോധന വ്യാപകമാക്കുമെന്ന് എക്സൈസ് അറിയിച്ചു.

 

Description: Thikodi native arrested with 15 bottles of Mahi liquor