‘പൊതു പ്രവര്‍ത്തകര്‍ക്ക് മാതൃകയാക്കാവുന്ന വ്യക്തിത്വത്തിനുടമയായിരുന്നു കെ.വി നാണു’; : എന്‍.സി.പി നേതാവ് കെ.വി നാണുവിന്റെ രണ്ടാം ചരമവാര്‍ഷികം ആചരിച്ച് പ്രവര്‍ത്തകര്‍
തിക്കോടി: എന്‍.സി.പി നേതാവ് കെ.വി നാണുവിന്റെ രണ്ടാം ചരമവാര്‍ഷികം ആചരിച്ചു. പൊതു പ്രവര്‍ത്തകര്‍ക്ക് മാതൃകയാക്കാവുന്ന വ്യക്തിത്വത്തിനുടമയായിരുന്നു കെ.വി നാണുവെന്ന് എന്‍.സി.പി സംസ്ഥാന സെക്രട്ടറി സി. സത്യചന്ദ്രന്‍ അഭിപ്രായപ്പെട്ടു.
എന്‍സിപി കൊയിലാണ്ടി ബ്ലോക്ക് കമ്മിറ്റി അംഗം, തിക്കോടി മണ്ഡലം വൈസ് പ്രസിഡന്റ്, മേലടി സി.എച്ച്.സി വികസന സമിതിയംഗം, എന്നീ നിലകളില്‍ പൊതുരംഗത്ത് നിറസാന്നിധ്യമായിരുന്നു അദ്ദേഹമെന്ന് പ്രവര്‍ത്തകര്‍ പറഞ്ഞു.
അനുസ്മരണ യോഗത്തില്‍ സി. രമേശന്‍ അധ്യക്ഷതവഹിച്ചു. കെ.ടി.എം കോയ അനുസ്മരണ ഭാഷണം നടത്തി. ഇ.എസ് രാജന്‍, കെ.കെ. ശ്രീഷു, ചേനോത്ത് ഭാസ്‌കരന്‍, അവിണേരി ശങ്കരന്‍, രവീന്ദ്രന്‍ എടവനക്കണ്ടി, വത്സരാജ്, എം.എ ഗംഗാധരന്‍ എന്നിവര്‍ സംസാരിച്ചു.