മൂടാടി കുറുങ്ങോട് നിവാസികളുടെ ഏറെ നാളത്തെ കാത്തരിപ്പ്; കുറുങ്ങോട് പുനത്തില്‍ റോഡ് കോണ്‍ഗ്രീറ്റ് ചെയ്ത് നാടിന് സമര്‍പ്പിച്ചു
മൂടാടി: മൂടാടി കുറുങ്ങോട് നിവാസികളുടെ യാത്രാ ദുരിതത്തിന് അറുതി. മൂടാടി ഗ്രാമപഞ്ചായത്ത് നാലാം വാര്‍ഡായ കുറുങ്ങോട് പുനത്തില്‍ റാഡ് കോണ്‍ഗ്രീറ്റ് ചെയ്ത് നാടിന് സമര്‍പ്പിച്ചു.
ഇതോടെ കുറുങ്ങോട് നിവാസികളുടെ ഏറെ നാളത്തെ യാത്രാദുരിതമാണ് അവസാനിച്ചത്. മൂടാടി ഗ്രാമപഞ്ചായത്ത് പ്രസിഡണ്ട് സി.കെ ശ്രീകുമാര്‍ റോഡിന്റെ ഉദ്ഘാടനം നിര്‍വ്വഹിച്ചു.
വാര്‍ഡ് മെമ്പര്‍ വി.കെ. രവീന്ദ്രന്‍ അധ്യക്ഷത വഹിച്ച ചടങ്ങില്‍ ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ ടി.കെ. ഭാസ്‌കരന്‍ മൂന്നാം വാര്‍ഡ് മെമ്പര്‍ രജുല ടി എം, മിനി തെക്കെവീട്ടില്‍ എന്നിവര്‍ സംസാരിച്ചു. പ്രബീഷ് പുനത്തില്‍ സ്വാഗതം പറഞ്ഞു.