പയ്യോളി: പയ്യോളി പെരുമാള്‍പുരത്തെ വെള്ളക്കെട്ടിന് താല്‍ക്കാലിക പരിഹാര പ്രവര്‍ത്തനങ്ങള്‍ ആരംഭിച്ചു. വഗാര്‍ഡ് അധികൃതരുടെ നേതൃത്വത്തില്‍ റോഡില്‍ മെറ്റലുകള്‍ നിരത്തി താല്‍ക്കാലികമായി വെള്ളക്കെട്ടിന് പരിഹാരം കണ്ടെത്തിയിരിക്കുകയാണ്.

വെള്ളക്കെട്ട് ഉള്ള റോഡില്‍ മുഴുവനായും മെറ്റല്‍ നിരത്തിയിട്ടുണ്ട്, രാവിലെ മുതല്‍ വഗാര്‍ഡിന്റെ വണ്ടികളില്‍ മെറ്റലുകള്‍ എത്തിച്ചാണ് പണി ആരംഭിച്ചത്. ഇപ്പോള്‍ വാഹനങ്ങള്‍ ഇതുവഴി കടന്നുപോകുന്നുണ്ടെന്നും എന്നാല്‍ നാട്ടുകാരുടെ കണ്ണില്‍പൊടിയിടാനെന്നോണം വഗാര്‍ഡ് അധികൃതര്‍ താല്‍ക്കാലികമായി വെള്ളക്കെട്ടിന് പരിഹാരം കാണുകയാണെന്നും വെള്ളക്കെട്ടിന് ശാശ്വത പരിഹാരം കണ്ടെത്തണമെന്നുമാണ് നാട്ടുകാര്‍ പറയുന്നത്.