കോഴിക്കോട്: ഗവണ്‍മെന്റ് ബീച്ച് ആശുപത്രിയ്ക്ക് സമീത്ത് വെച്ച്‌ പോലീസുകാരെ ആക്രമിച്ച പ്രതി പിടിയിൽ. കാരപ്പറമ്പ് സ്വദേശി പുഴവക്കത്ത് ഷൻഫാ മൻസിലിൽ ഷഹൻഷായെ (37) ആണ് വെള്ളയിൽ പോലീസ് പിടികൂടിയത്.

ഡൻസാഫ് അംഗങ്ങളായ എസ്.ഐ മനോജ്, സിപിഒ അഭിജിത്ത് എന്നിവരെയാണ് പ്രതി ഇന്നലെ ബീച്ച് ആശുപത്രി പരിസരത്ത് വച്ച് ആക്രമിച്ചത്. മയക്കുമരുന്ന് ഉപയോഗം തടയുന്നതിന്റെ ഭാഗമായി ഡ്യൂട്ടിക്കിടയിൽ ലഹരി കേസുകളില്‍ ഉള്‍പ്പെട്ട പ്രതിയോട് മാറിപ്പോകാൻ പറഞ്ഞതിന്റെ വൈരാഗ്യത്തിലാണ് ഇയാള്‍ ആക്രമണം നടത്തിയത്.

വെള്ളയിൽ പോലീസ് സ്റ്റേഷൻ ഇൻസ്പെക്ടറുടെ നേതൃത്വത്തിൽ എസ്.ഐ സജീ ഷിനോബ്, എസ്.സി.പി.ഒ ദീപു, സിപിഒ രാഗേഷ് എന്നിവർ ചേർന്നാണ് പ്രതിയെ കസ്റ്റഡിയിലെടുത്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

Description: Suspect arrested for attacking police officers